Дэлхийн стандартыг үйлчилгээндээ MNS ISO 45001:2018 MNS ISO 9001:2016 ISO 14001:2015

Шилийн богд, Ганга нуур, Хамарын хийдийн аялал

2021/09/06 - 2021/09/10

Хугацаа

5 шөнө, 4 өдөр

Улс

Монгол

Чиглэл

Зүүн аймаг-Дотоод аялал

Ерөнхий мэдээлэл

Тайлбар

              Аяллын зардал:

Хүний тоо

3-8 хүн

8-12 хүн

12-16 хүн

16-40 хүн

Унааны төрөл

Ланд Круизер

Старекс

Автобус

Автобус

Зочид буудал

Люкс 2 хүний

Энгийн 2 хүний

Энгийн 3 хүний

Энигйн 4 хүний

Жуулчны бааз

Энгийн 1 гэрт 2

Энгийн 1 гэрт 4

Энгийн 1 гэрт 4

Энгийн 1 гэрт 4

ҮНЭ

990,000 төг

690,000 төг

620,000 төг

550,000 төг

  Аяллын зардалд багтсан:

  • Унааны зардал
  • Дотоодын аялагчдын даатгал
  • Аяллын хөтөлбөрт заасан үзвэр, үйлчилгээний төлбөр
  • Хилийн зурваст нэвтрэх зөвшөөрөл
  • ТХГ нутгийн хураамж
  • Аяллын хөтөлбөрт заасан хоол
  • Хөтөч тайлбарлагч

  Аяллын зардалд багтаагүй:

  • “Аяллын зардалд багтсан”-аас бусад зарда

Хувь хүний хэрэглээний зардал  Холбоо барих:

Онцлох

  • Дотоодын аяллыг 18 жилийн турш зохион байгуулсан мэргэжлийн баг хамт олон таны аяллыг зохион байгуулна
  • Энгийн биш тусгай сонирхлын аялал тул үйлчилгээ бүр нь онцлог, сонирхол татсан байдаг
  • Аяллын зориулалттай, тав тухтай аяллын унаа үйлчилнэ
  • 5-с дээш жилийн туршлагатай, мэргэшсэн аяллын жолооч аюулгүй байдлыг ханган ажиллана
  • 5-с дээш жилийн туршлагатай, мэргэжлийн аяллын хөтөч-тайлбарлагч үйлчилнэ
  • Монголын нэрт яруу найрагчтай хамт аялна.

Хөтөлбөр

Өдөр 1
Улаанбаатар – Баруун Урт

Энэ өдөр бид өглөө 06:30 цагт “АРД” кино театр эсвэл танай хамт олон цуглахад тохиромжтой газар уулзаж аяллын автобусандаа сууна.  Автобус 7:00 цагт УБ-с 580 км зайтай орших Баруун Урт хотыг чиглэн хөдөлнө. Замдаа хуучнаар Өндөрхаан буюу Чингис хотод өдрийн хоол идээд цааш явна. Орой Баруун-Урт хотод ирж буудалдаа байрлан, оройн хоол идээд амарна.

Буудал

Буудал

Зоог

Өдрийн хоол

Оройн хоол

Өдөр 2
Баруун Урт /Шилийн богд/

Өглөөний цайгаа зочид буудалдаа уусны дараа буудлын өрөөгөө хүлээлгэж өгнө. Автобусандаа сууж Талын агуйн зүг хүлгийн жолоо зална. Ойролцоогоор 170 км орчим явна. Ингээд Дарьгангын алдарт Талын агуй руу орж дурсгалын зургаа татуулна. Үргэлжлүүлэн Дорнодын өргөн уудам талд өдрийн хоолоо зооглонгоо “Туждаа Хамт Явах Юмсан” дууг таалан сонсоно.

Үдээс хойшдоо Шилийн богд уулын хормойд байрлах бааз дээр “Монгол хорхог” амтархан зооглоно. Энэ шөнө жуулчны бааздаа алжаал тайлан амарна.

Буудал

Жуулчны бааз

Зоог

Өглөөний хоол

Өдрийн хоол

Оройн хоол

Өдөр 3
Шилийн Богд /Ганга нуур/

Өглөөний цайгаа уусны дараа Шилийн сайн эрсийн Шилийн Богд ууланд гарч хийморио сэргээнэ. Уул нь Дарьганга сумаас зүүн урагш 60 км-т далайн түвшнээс дээш 1778 метрт оршдог Дарьгангын энэ өндөрлөг тэгш газарт 200 орчим унтарсан галт уул байдгийн хамгийн өндөр нь Шилийн Богд уул юм. Богд уул гэх нэршил нь сүүлд Буддын шашны нөлөөгөөр нэмэгдэж нэрлэгдсэн нэршил бөгөөд эрт дээр үеэс Монголчууд "Шивээт шил", "Агшуун" хэмээн нэрийддэг байсан ба тал нутгийн их хайрхан хэмээн тахин шүтэж иржээ. Эртнээс нааш Монголчууд Шилийн Богдыг шүтэн биширч өглөөний ургах нарнаар гарсан эр хүний хийморь сэргэж хүлгийн шандас хөвчирдөг гэлцдэг.

Өдөр бааз дээрээ ирж өдрийн хоол идсэний дараа амралтын гэрээ хүлээлгэж өгнө. Автобусандаа сууж Дарьганга сумын байгалийн үзэсгэлэнт газрууд болон түүх дурсгалын газар болсон Алтан овооны зүг хүлгийн жолоо зална. Замдаа Ганга нуур, Молцог элс, хөшөө дурсгал, бичигт хад, хүн чулуун хөшөөг үзэж дурсгалын зураг татуулна. Оройдоо “Гангар хун” аялал жуулчлалын бааз дээр ирж оройн хоолоо идээд амарна.

Буудал

Жуулчны бааз

Зоог

Өглөөний хоол

Өдрийн хоол

Оройн хоол

Өдөр 4
Ганга нуур/Алтан овоо/Онгон сум/Дорноговь

Өглөөний цайны дараа автобусандаа сууж Монгол Улсын ирээдүйн аж үйлдвэрийн төв болох Сайншанд хотын зүг шороон замаар явна.  Замдаа хөнгөн өдрийн зууш иднэ. Орой нь Сайншанд хотын зочид буудалд Дорноговь нутгийн оройн зоог амтархан зооглоно. Энэ шөнө зочид буудалд алжаал тайлан амарна.

Дорнын их яруу найрагч Б.Явуухулан

...Ганга нуураас ниссэн хун
Намартаа заавал буцаж ирдэг
Ганга нуураас явсан хүн
Насандаа заавал эргэдэг гэнэ... 
хэмээн шүлэглэсэн байдаг.

                                                                                                     

Буудал

Буудал

Зоог

Өглөөний хоол

Өдрийн хоол

Оройн хоол

Өдөр 5
Сайншанд-Хамрын хийд-Чойрын Богд Уул -УБ

 Өглөө эртлэн босож Хамрын хийд дээр ирж энерги авч дурсгалын зураг татуулна. Дараа нь  хүслийн хаданд хүслээ шивнэнэ. Сайншандад ирж зочид буудалдаа өглөөний цайгаа ууна.

Дараа нь машиндаа сууж Чойрын Богд уулын зүг явна. Энэхүү хайрхан нь өвөрмөц тогтоцтой хад чулуу элбэгтэй, хойд талаар нь хүн, амьтан ундаалах байгалийн үзэсгэлэнт газар бөгөөд аргаль янгир, чоно, үнэг, туулай, цармын бүргэд, идлэг шонхор зэрэг ховор амьтан жигүүртэн шувууд, ховор ургамал элбэгтэй. Эдүгээ тус ууланд 200 гаруй аргаль хонь нутагшиж байна. Чойрын Богд уулын ойр орчимд түүх соёлын дурсгалт газрууд, зураг дүрслэлүүд бий. Дагвасүндэл бурхан, Зүүн Жанжин Чойрын хийдийн туурь, түүний дэргэд Цагаан дарь эх бурхан, Хүслийн хад, Хүүхдийн овоо, Илдний зурагтай хад, эртний хятадын төмөр утасны хорооны туурь, Дугар Мээрэнгийн хөшөө гэх мэт газруудтай.

Замдаа Говьсүмбэр аймгйин Чойр сумд өдрийн хоол иднэ. Шөнө хотын ачаалал багатай үед УБ хотын “Төв номын сан” буудал дээр ирснээр манай аялал өндөрлөнө

Буудал

Буудал

Зоог

Өглөөний хоол

Өдрийн хоол

Бусад

Хувь хүний аяллын бэлтгэл:

  • Гэрэл зургийн аппарат
  • Аялалд тохиромжтой гутал
  • Цаг агаарт тохирсон хувцас 
  • Усны сав
  • Нарны шил
  • Нарны хамгаалалттай тос
  • Утас цэнэглэгч /повербанк/
  • Хөнгөн зууш
  • Жижиг эмийн сан /ойр зуурын хэрэглээний/

Санал болгох аялал

Шагналууд

Холбогдох

Марко Поло Ордон, Жамъяан Гүний гудамж 5/3, Сүхбаатар дүүрэг, Улаанбаатар хот, Монгол Улс.

(976) 70109401

dambadorj@juulchinworld.mn

Аяллын хуваарь